Ustanove kulture
/
Stari grad

Galerija „Josip Bepo Benković“

Herceg Novi, grad koji je udahnuo inspiraciju mnogima iz svijeta umjetnosti i književnosti, nekada je imao i plodonosnu Umjetničku školu, koja je, nakon što je otvorena na Cetinju prebačena u Herceg Novi, gdje je trajala 20 godina. Mladi umjetnici i njihovi profesori i direktori poput čuvenih slikara Petra Lubarde, Luke Tomanovića, Voja Stanića, Luke Berberovića, gradu su donosili jedan poseban šarm kakav samo umjetnici mogu donijeti. Grad u naručju čarobnog prirodnog ambijenta, bio je muza mnogim slikarima, zato ni ne čudi što je galerija „Josip Bepo Benković” u Starom gradu, skrivena u ulici Marka Vojnovića 4, poput inspiracije koju umjetnik otkriva, oduvijek imala bogat  i kvalitetan izložbeni program i vremenom postala najposjećenija galerija u Crnoj Gori. Galerija dobija ime slikara iz Herceg Novog, Josipa – Bepa Benkovića, a od 1967. godine djeluje u okviru Zavičajnog muzeja, kao zasebno muzejsko odjeljenje. 1967. organizuje se Prvi hercegnovski zimski salon koji ima lokalni karakter, ali ubrzo se širi van granica grada i Crne Gore, a 2017. je proslavio i svoje jubilarno 50. izdanje.

Opširnije
Izložbe